Токмок шаарында видеого түшкөн сабоо фактысы боюнча Чүй ОИИББсы төмөнкүлөрдү билдирет.

2026-жылдын 3-апрель күнү социалдык тармактарды мониторинг кылуу учурунда милиция кызматкерлери видео аныкташкан, анда бир жаранга бир нече адам тарабынан кол көтөрүп жатканы чагылдырылган.

Бул факт катталып, териштирүү иштери башталган.

Териштирүү учурунда аныкталгандай, 2026-жылдын 3-апрель күнү болжол менен саат 13:26да Токмок шаарынын ички иштер бөлүмүнө Токмок шаардык ооруканасынан билдирүү түшкөн. Анда Чүй облусунун Мээнеткеч айылынын тургуну 1983-жылы туулган, Ж.Н. аттуу жаран, дене жаракаттары менен медициналык жардам алуу үчүн кайрылганы маалымдалган.

Аныкталгандай, Токмок шаарынын №3 микрорайонунун, «Касиет» устаканасынын алдында, Ж.Н. аттуу жаран өзүнө таандык «Volkswagen Passat» үлгүсүндөгү автоунаасын токтотуп турган. Ошол маалда 2001-жылы туулган Ж.М. аттуу жаран «BMW» үлгүсүндөгү автоунаасы менен келип, туура эмес токтоп, башка унааларга жолтоо кылган. Бир адам туура токтотууну эскертүү бергенде, Ж.М. газ педалын катуу басканда, жээктеги кичинекей таштар унааларга чачырап кеткен.

Бул окуядан улам Ж.Н. менен Ж.М. ортосунда чыр келип чыккан жана ортодо мушташ болгон. Ж.М. Ж.Н.-ни таш менен урган, андан кийин Ж.Н. кулап калган соң, колу жана буттарына сокку урулган, натыйжада жабырлануучунун сол колунун чыканагы чыгып кеткен.

 Кийинчерээк Ж.Н. туугандарын чакырган — 1996-жылы туулган, А.А., жана 1988-жылы туулган, Ж.С. атту жарандарды. Алар келгенде, Ж.М. кара түстөгү дубинка алып каршылык көрсөтүүгө аракет кылган, бирок Ж.С. дубинканы тартып алып бир нече сокку уруган. Ж.М. жерге кулаганда, А.А. да бир нече жолу бетине сокку урган.

Бул факт боюнча бардык катышуучуларга соттук-медициналык экспертизалар дайындалган.

Териштирүү иштери уланууда. Анын жыйынтыгында катышуучулардын аракеттерине юридикалык баа берилет жана Кыргыз Республикасынын мыйзамдарына ылайык процессуалдык чечим кабыл алынат.