АКШнын президенти Дональд Трамп Газа тынчтык кеңеши түзүлүү процессинде экенин жана кеңеш"дүйнөдөгү эң маанилүү мамлекеттердин" лидерлеринен кураларын билдирди.

Жекшемби күнү президенттик учакта кабарчыларга маалымат берген Трамп: "Тынчтык кеңеши түзүлүүдө. Негизинен эң маанилүү мамлекеттердин лидерлери болот... Эгер эң маанилүү лидерлерди жана мамлекеттерди карасаңыздар, Тынчтык кеңеши да алардан түзүлөт", - деди.

Трамп демилгеге катышууга эл аралык деңгээлде чоң кызыгуу бар экенин кошумчалап, "Ар бир адам бул түзүлүштө болгусу келет" деди.

Трамп төрагалык кыла турган жана болжол менен 15 дүйнөлүк лидерди камтыган кеңеш кийинчерээк түзүлө турган Палестинанын технократиялык өкмөтүн көзөмөлдөйт жана Газадагы кайра куруу процессине байкоо салат.

Кеңешке кошулушу күтүлүп жаткан өлкөлөрдүн катарына Улуу Британия, Германия, Франция, Италия, Сауд Арабиясы, Катар, Египет жана Түркия кирет. БУУнун Жакынкы Чыгыш боюнча мурдагы атайын өкүлү Николай Младеновдун Тынчтык кеңешинин жергиликтүү өкүлү катары кызмат кыла аралы кабарланууда.

Кеңештин ушул аптада жарыялана турганы тууралуу маалыматтарга карабастан Трамп мөөнөттү айткан жок.

Трамптын администрациясы өткөн айда Тынчтык кеңешин киргизүүнү пландап жатканын билдирген, бирок жарыялоону бир нече жолу кийинкиге калтырган.

Израиль 2023-жылдын октябрынан бери Газада 71 000ден ашык палестиналыкты, көбүнчө аялдар менен балдарды өлтүрүп, 170 000ден ашык адамды жарадар кылды.