30-мартта Орусия жана АКШ президенттери Владимир Путин менен Дональд Трамп телефон аркылуу сүйлөштү. Бул тууралуу Кремлдин басма сөз кызматы билдирди.

Маалыматка ылайык, сүйлөшүүнүн жүрүшүндө өлкө башчылар дүйнөгө жайылып жаткан коронавирус жөнүндө сөз кылып, өз өлкөлөрүндө бул илдетке каршы көрүлүп жаткан чаралар тууралуу маалымат алмашты.

Эки президент мунай затынын дүйнөлүк баасы боюнча пикир алышып, энергетика министрлеринин деңгээлиндеги кеңешүүлөрдү жүргүзүүнү макулдашканы кабарланды.

Эске сала кетсек, Трамп Fox News телеканалынын эфиринде Путин менен мунай заттарынын баасын, соода жана коронавируска каршы күрөшүү жаатында сүйлөшө тургандыгын айткан.

Булак: NazarNews.kg