АКШнын мурдагы президенти Дональд Трамп саясатка кайтып келүүсү мүмкүн. Бул тууралуу чет өлкөлүк басылмалар жазды.

Маалыматка ылайык, Трамп президенттиктен кеткенден кийин, кайрадан өз бийлигин калыбына келтирүү жолдорун издеп жатат. Американын мурунку лидери алгач республикачылар менен маектешүүнү каалайт. Трамптын жардамчысы Джейсон Миллер “Ал тууралуу дагы көптөгөн жаңылыктарды угасыздар”,- деп билдирген.

Эске салсак, буга чейин АКШ конгрессинин өкүлдөр палатасы Дональд Трамптын импичменти үчүн добуш берген. Бирок АКШнын сенаты экс-президентти импичмент боюнча процессте актаган болчу.

Булак: NazarNews.kg