АКШнын мурдагы президенти Дональд Трамп ФБР анын Флоридадагы резиденциясына тинтүү жүргүзгөндөн кийин андан алынган документтерди агенттерге өткөрүп берүүгө даяр экенин жана алардын жашыруундугун билдирди. Бул тууралуу америкалык басма сөз жазып чыкты.

Биринчиден, мунун баары ачыкка чыгарылды. Экинчиден, алар эч нерсени «конфискациялоонун» кереги жок болчу. Алар саясатка аралашпастан жана менин Мар-а-Лагодогу резиденцияма кирбей туруп, каалаган убакта ала алышмак», - деп жазган АКШнын мурдагы президенти Truth Social сайтында.

Трамптын айтымында, атайын кызмат көптөн бери каалаган убакта документтерди ала алган. Сураса жетиштүү болчу.

«Эң чоң маселе - президент Обама бир кезде Чикагого алып барган 33 миллион барак документтерди эмне кылаары, алардын көбү жашыруун», - деп кошумчалады ал.

Белгилей кетсек, үстүбүздөгү жылдын 8-августунда мурдагы президент Дональд Трамп ФБРдин кызматкерлери анын Флоридадагы резиденциясын тинтүүгө алышканын билдирген.

Андан соң Федералдык иликтөө бюросу (ФБР) АКШнын мурдагы президенти Дональд Трамптын Флоридадагы мүлкүндө өзөктүк куралга байланыштуу жашыруун документтерди издеп жатканы кабарланган. Кийинчерээк ФБР Трамптын резиденциясынан 11 жашыруун документти, анын ичинде «өтө жашыруу» деген категориядагы материалдарды тапканы белгилүү болгон.

Белгилей кетсек, ушул жылдын башында Улуттук архив Трамп Флоридадагы жеке резиденциясына 15 куту президенттик жазууларды алып кеткенин билдирген. Кутуларда «улуттук коопсуздук боюнча жашыруун маалымат» жана Трамп менен чет элдик мамлекет башчыларынын расмий кат алышуулары бар экени айтылууда.

Булак: NazarNews.kg