Дан келишими башка дүйнөлүк проблемаларды чечүү үчүн үлгү боло алат. Мындай сунушту Түркиянын улуттук коргоо министри Хулуси Акар жасады, бирок Орусия менен Украинанын ортосундагы келишимдин принциби боюнча кайсы маселелер чечиле турганын тактаган жок. Булд тууралуу Anadolu агенттиги жазды.

«Кара деңиз дан демилгесинин аркасында тараптар чогулду жана макулдашышты. Аткарылган иштердин башка көйгөйлөрдү чечүү үчүн да үлгү болушун каалайбыз», - деди Акар.

Министр макулдашуу башталгандан бери Украинанын портторунан 345 кеме чыгып кеткенин, алар 7,7 миллион тоннадан ашык айыл чарба продукциясын алып чыкканын кошумчалады. Акар бул көрсөткүчтү канааттандырарлык деп атап, Анкаранын келечектеги максатынын Украинада тынчтык жол менен чечилишине жетишүү экенин кошумчалады.

Эске салсак, 22-июлда Стамбулда Украинадан эгин экспорттоо боюнча келишимге кол коюлган. Тиешелүү эки документке Орусия, Украина, Түркия жана БУУ кол койду. Келишимге ылайык, дан экспорттоо үчүн Одесса облусунун портторун ачуу жана Орусиядан азык-түлүк жана жер семирткич жеткирүүгө таасирин тийгизген санкцияларды алып салуу керек.

Булак: NazarNews.kg