www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Түркмөнстанда интернеттин ылдамдыгы жайлап, жашоочулар IMO тиркемесин колдоно албай калышты. Ал бүгүнкү күнгө чейин өлкөдө иштеп жаткан жалгыз кат алмашуу платформасы болуп келген.
"IMO иштебей калды. Калган мессенджерлер мурда эле бөгөттөлгөн. Интернет жай болгондуктан чет өлкөлүк телеканалдар да жеткиликсиз болуп калды. Бир жумадан бери интернеттен "Евроньюс" каналын көрө албай жатабыз", – деди Ашхабаддын тургундарынын бири.
WhatsApp, Viber, Facebook, Twitter, YouTube сыяктуу тиркемелер түркмөнстандыктарга мурда эле жеткиликсиз болуп калган. Мындан тышкары Түркмөнстан жөнүндө жазган чет өлкөлүк ЖМКлардын, анын ичинде "Азаттыктын" түркмөн кызматынын сайттары бөгөттөлгөн.
Түркмөнстанда көз карандысыз маалымат каражаттары жок. Өлкөдөгү бардык телеканалдар, радиостанциялар, гезиттер жана маалыматтык сайттар мамлекеттин көзөмөлүндө.
Түркмөнстандыктар өлкөдө тыюу салынган сайттарды VPN аркылуу ачууга аракет кылып келишкен. Бирок интернеттин ылдамдыгы начарлагандан кийин бул да мүмкүн болбой калганы айтылууда.
Буга чейин эл аралык эксперттер бир нече жолу Түркмөнстанды дүйнөдөгү интернети эң жай өлкө деп аташкан.
Булак: NazarNews.kg
< Предыдущий
Следующий >
Последние новости
