Бүгүн, 16-сентябрда саат 08:25ке карата Тажикстандын чек арачылары Баткен облусунун Лейлек районундагы Кулунду, Максат жана Жаңы-Жер аймактарын аткылай баштады.

Учурда чек арада абал курч, бардык тургундарды эвакуациялоо иши башталды. Бул тууралуу NazarNews маалымат агенттигине окуя болгон жерден Боркошаалы Мавлянов билдирди.

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от NazarNews.org (@nazarnews_org)

"Бизде абал оор. Учурда 8 айылдын жарандары үйлөрүбүздү таштап качып чыктык. Тажик тарап саат 06.30да “Көк-Таш” чек ара бекетинин аймагын аткылап баштаганын уктук. Кырдаал курчуп бара жатат. Сизге да угулуп жатабы? Эми күч-кубатты чек арачыларга берсин. Бул окуянын болушун 15 күн мурда укканмын. Атайын кызматтарга чалып байланыша албадык", - деди жергиликтүү тургун Боркошаалы Мавлянов.

Белгилей кетсек, бүгүн, 16-сентябрда таңкы саат 06:00дө тажик тарап оор курал колдонуу менен кайрадан Кыргызстандын чек ара бекеттерин көздөй ок та баштаган.

Тажик тараптын куралдуу кол салуусунан 4 аскер кызматкери жарадар болду. Бул тууралуу президенттин Баткен облусундагы ыйгарым укуктуу өкүлүнүн басма сөз кызматы билдирди.

Маалыматка ылайык, саат 8:00гө карата Баткен районунун Кызыл-Бел, Көк-Таш, Тамдык, Достук айылдарында жана Төрт-Көчө участкасында ок атышуу болуп жатат.

Эске салсак, 14-сентябрда Баткендеги кыргыз-тажик чек арасында чыр чыгып, ок атышуу алгач Булак-Башы тилкесинде болгон. Андан соң чатак оту Как-Сайда, кийин Паскы-Арык аймагында жанган. Кыргыз тараптан эки жоокер жаракат алган. Андан соң "Самаркандек" заставасынын жанындагы атышууда эки кыргызстандык – бир аял жана бир эркек ок жегени, кийинчерээк 11 жаштагы бала жарадар болгону айтылган.

Учурда облус башчысы Абдикарим Алимбаев күч структуралары менен биргеликте чек арада иш алып барууда. Ал эми жалпы кырдаалды УКМК төрагасы Камчыбек Ташиев көзөмөлгө алууда.

Булак: NazarNews.kg