Апта башынан бери көнөктөп жааган жамгыр Түркиянын Карадеңиз аймагында катуу селдин жүрүшүнө себеп болду. Аймактагы төрт облустун тургундары эвакуацияланганы, 17 киши көз жумганы жана 48 киши оор абалда ооруканада жатканын президент Режеп Тайып Эрдоган Twitter баракчасы аркылуу кабарлады.

Kastamonu, Sinop ve Bartın’da gerçekleşen sel felaketlerinde hayatını kaybeden 17 vatandaşımıza Allah’tan rahmet, yakınlarına ve Milletimize başsağlığı diliyorum.

Selin etkili olduğu bölgelerde tüm kurum ve kuruluşlarımızla yoğun bir çalışma yürütmekteyiz.

— Recep Tayyip Erdoğan (@RTErdogan) August 12, 2021

Өлкөнүн Өзгөчө кырдаалдар министрлиги нөшөрлөгөн жамгыр дем алышка жейин уланарын билдирди.

Түркиянын түндүгүн сел каптаса, түштүгүндөгү токой өрттөрү токтой элек. Бурдур аймагындагы токойдо чыккан өрт кыска мөөнөттө айылдарга жеткен. Өрттү тик учактар өчүрүп жатканы белгилүү болду.

Түркиянын Токой жана айыл чарба министри Бекир Пакдемирли 28-июлдан бери 53 провинцияда 275 токойда жана 219 айылда өрт чыкканын баса белгилеп, "Бүткүл дүйнө сыяктуу эле биз да климаттын өзгөрүшүнүн кесепеттерин башыбыздан өткөрүп жатабыз. Биз глобалдык жылуулуктун коркунучун эске алуу менен өрткө каршы иш пландарыбызды жаңылап жатабыз", - деди.

Эске салсак, тилсиз жоо Түркиянын гана эмес, ага коңшу Грекиядагы токойлорду да жалмады. 8-августта Грекиянын экинчи чоң аралы Эвиядагы өрт миңдеген гектар карагайлуу токойду күлгө айлантып, үйлөрдү жексен кылды.

Булак: NazarNews.kg