Үйлөнүүдө беш түрдүү аялдан сак болгула

Журналист: NAZARNEWS

09.12.2020, 2:34

24203

коом

Аалымдардын насааттары: Үйлөнүүдө беш түрдүү аялдан сак болгула...

Алар:

1) "Аннана" – ар дайым нараазы боло берген, арызданып даттана берген аял. Мындай аялга эч нерсе жакпайт жана ар дайым күйөөсүнө нааразы. Мындай аял менен жашоо жакшы болбойт.

2) "Ханнана" – ар дайым башкалардын күйөөсүнө кызыгып, мисал кылып жемелеп, "Мен сага кайдан тийип алдым?", "Сен менин теңим белең?", "Мага окшогондор сенден мыктыларга ылайыктуу жана ар дайым күйөөсүнө кайрылып: "Мен бактысызмын! Мен тигиге – баланчага тийсем болмок" деп наалыган аял.

3) "Хаддака" – бардык нерсеге тиктеп, суктанып, алгысы келип көз сала берген аял. Эгер бирөөнүн үйүнө барып кайтып келсе: "аныкында мындай тигиндейлер бар экен, а менде жок!" "Эгер базарга барса, көзүнө көрүнгөн нерсени алгысы келе берген аял".

4) "Баррака" – бул, өзү менен өзү алек болуп, күйөөсүнө жана үйүнө көңүл барбаган, өзүнөн башка эчтеке кызыктырбаган, өзүн кооздоп, жасанып, күйөөсүнө жана үй-жайына көңүл бурбаган аял. Бул аял эгоистка аял.

5) "Шаддакаъ – бул, тили (оозу) басылбаган, көп сүйлөп аз унчукпаган тилдүү аял.

Маалымат интернеттен алынды

Булак: NazarNews.kg