Президент Садыр Жапаровдун 26-ноябрда Коопсуздук кеңешинин жыйынында берген тапшырмасы менен УКМК «Айыл-банк» ачык акционердик коомунун ишмердүүлүгүн текшерди.

• «Айыл-банктын» 100 пайыз акциясына мамлекет ээлик кылат.

УКМКнын басма сөз кызматы билдиргендей, «Айыл-банк» ири суммадагы насыяларды мыйзамсыз жана максатсыз берип келгени аныкталды. Бул насыялар социалдык жактан аз камсыздалган жарандарга, ошондой эле, айыл чарба жана мал чарбаны өнүктүрүү үчүн берилиши керек болчу.

УКМК Жазык кодексинин 319-беренесинин (коррупция) 1-бөлүгү менен сотко чейинки өндүрүш ишин баштады. Анын жыйынтыгы менен «Айыл-банктын» жооптуу кызматкерлерине юридикалык баа берилет.

Булак: NazarNews.kg