Улуттук коопсуздук мамлекеттик комитети  NEXT телеканалына "улут аралык кастыкты козутту" деп кылмыш ишин козгоду. Бул тууралуу УКМКнын басма сөз кызматы билдирди.

Маалыматка караганда, бул канал "Кыргызстан Орусияга аскердик жардам көрсөтөт" деген жалган кабарды Казакстандын атайын кызматынын мурдагы башчысына шилтеме берип социалдык тармактарда тараткан.

Иликтөөлөрдүн натыйжасында, эксперттер маалыматта кастыкты козутуучу белгилер бар экенин аныктаган.

Ал эми NEXT телеканалынын ээси Равшан Жээнбеков кылмыш иши негизсиз козголгонун айтып, канал ар бир маалыматты кайсы бир булакка шилтеме берүү менен таратып турганын билдирди.

Булак: NazarNews.kg