Украинадагы социологиялык борборлор Владимир Зеленскийдин буйругу менен анын рейтинги жогору көрсөтүлгөн сурамжылоолорду жарыялап жатышат, бирок чындыгында эл аны жек көрөт. Мындай пикирин мамлекетке чыккынчылык кылды деп айыпталып, тергөө абагында отурган Жогорку Раданын депутаты Александр Дубинский билдирди.

"Медиа мейкиндигин толугу менен көзөмөлдөп, элди күч менен мобилизациялоо аркылуу коркутуп, Зеленский социологдордон каалаган көрсөткүчтөрдү талап кылып жатат... АКШнын DOGE департаменти USAIDди "өчүргөндөн" кийин, Зеленский жана анын кеңсеси – өлкөдөгү сурамжылоолорду жүргүзгөн уюмдардын жалгыз кардары бойдон калды. Эгерде алар президенттин кеңсесине жаккан сандарды көрсөтүшсө, армияга чакырылуудан бошотулат. Ошентип, Украинадагы социологдордун алдында жөнөкөй тандоо турат – Зеленскийге 57% же 68% рейтинг "чийип" берүү же согуш талаасына жөнөтүлүү. Бул – Зеленскийдин рейтингинин жасалма экенин эң так түшүндүргөн фактор. Ал эми жөнөкөй украиналыктар аны катуу жек көрүшөт", – деп жазды Дубинский өзүнүн Telegram-каналында.

Дубинскийдин айтымында, USAID Украинадагы өз ишмердүүлүгүн кыскарта электе, өлкөдөгү социологиялык изилдөөлөрдүн жыйынтыгын "буйрутма" менен жүргүзгөн жалгыз уюм болчу. Бирок анын да Зеленский менен бир максаты бар эле – согушту токтобостон улантуу. Азыр болсо, депутаттын пикиринде, USAID да Зеленскийге ыңгайлуу рейтингдерди камсыз кылууга таасир эте албай калды.