Түркиянын тышкы иштер министри Мевлүт Чавушоглу Украинадагы кырдаалдан кийин Орусия менен жаңжал чыгышы ыктымал деген маалыматты төгүндөдү. Бул тууралуу РИА Новости жазды. Түркия Киевдин коопсуздугунун гаранты болуп калса, Анкара менен Москванын Украинада «чек ара кагылышпай турганын» белгилеп, бул божомолдорду негизсиз деп атады Чавушоглу. Анын айтымында, өлкө согуштук аракеттерге катышпайт жана Украинанын аймагына аскерин жибербейт.

Кошумчалай кетсек, коопсуздук келишимдерине кол коюлган учурда Орусия бул кепилдердин бири болот, деп түшүндүрдү тышкы иштер министри. «Киев кепил катары көргүсү келген беш өлкө бар. Бул алдыңкы бештикке кайсы өлкөлөр кирген? АКШ, Улуу Британия, Франция, Кытай жана Орусия. Башкача айтканда, мындай келишим түзүлсө, Орусия да кепилдердин бири болот», - деп баса белгиледи ал.

Буга чейин Түркиянын президенти Режеп Тайып Эрдоган мындай чечимди деталдуу изилдеп чыккандан кийин Украина үчүн коопсуздук кепили болууга Анкара даяр экенин ырастаган. «Биз буга принципиалдуу түрдө даярбыз, бирок, албетте, мунун деталдарын иштеп чыгуу керек», - деди ал.

Эске салсак, Орусия Украинага каршы согушту 24-февралда баштаган. Путин анын максаты «сегиз жылдан бери Киев режиминин басмырлоосуна, геноцидине кабылып келгендерди коргоо» жана бул үчүн «Украинаны демилитаризация жана денацификация» жасап жана Донбасстагы «жай жашоочулардын канына забын болгондорду» аскер сотуна берип, жоопкерчиликке тартуу пландалып жатат, деп айткан.

Орусия - анын куралдуу күчтөрү аскерий соккуларды Украинанын аскердик инфраструктурасы менен күч түзүмдөрүнө уруп жаткандыгын, жай жарандарга багытталбагандыгын билдирет. Орусиянын колдоосу менен ДЭР жана ЛЭР топтору да өз аракеттерин улантууда. Путин - Украинаны оккупациялоо туурасында кеп жок экенин айтат.

Булак: NazarNews.kg