Орусиянын аскердик операциясы башталгандан бери Украинадан 9 млн 926 миң 884 адам көчүп кетти. Бул тууралуу Бириккен улуттар уюмунун качкындар боюнча органы билдирди.

БУУнун маалыматына караганда, Польшага 4,9 млн, Россияга 1,8 млн, Венгрияга 1 млн, Румынияга 890 миң, Словакияга 627 миң, Молдовага 549 миң, Беларуска 16 миң 680 киши көчүп кеткен. Башка өлкөлөргө кетүүгө аргасыз болгон украиналыктар да бар.

Ушул жылдын башындагы маалымат боюнча, Украинанын калкынын саны (Крымды кошпогондо, бирок Донбассты эске алганда) 41 млн 167 миң 300 кши болчу.

Булак: NazarNews.kg