Бүгүн, 19-майда депутат Бейшеналы Нурдинов парламенттин отурумунда Улуттук банктын башчысы Толкунбек Абдыгуловдон «Өткөндө протоколдук буйрук болгон, сизди комитетке чакырышты, эмнеге келбедиңиз?», - деп сурады.

Улуттук банктын башчысынын айтымында, ал коронавирустун айынан 1,5 ай ден-соолугуна байланыштуу эмгек өргүүсүндө болгон жана ал дүйшөмбү күнү жумушка чыккан. «Мен ооруканада даарыланып жатканда бир нече депутат менен жолуктум», - деди Улуттук банктын башчысы.

- Сиздин ооруп жатканыңыз расмий түрдө катталдыбы? - деп сурады депутат.

- Албетте, - деди Абдыгулов.

Депутат Улуттук банктын башчысы келбей койгондо күмөн санагандыгын билдирди.

Булак: NazarNews.kg