Депутат Үмбөталы Кыдыралиев «Кыргыз темир жолунун» жеткечисинин кызматтык дал келүүсүн карап көрүүнү сунуштады. Бул тууралуу ал бүгүн, 24-декабрда Жогорку Кеңештин жыйынында билдирди.

«Кыргыз темир жолунун» жетекчисине кайрылдым эле. Себеби мен көмүр казган ишкерлерден кат алгам. Алар көмүрдү Өзбекстанга экспорт кылайын десе вагондор жок болуп жатыптыр. Сентябрь айында бул маселе чечиле турганын айтышкан. Бирок бүгүнкү күнгө чейин чечилбей келет. «Кыргыз темир жолу» маселени чечип бере албай жатат.

Териштирип изилдөө кылсам 150 вагон бар, анын 49ун оңдоп-түзөш керек экен. Аны жайында же жазында оңдоо зарыл да. «Кыргыз темир жолунун» жетекечисинин кызматтык дал келүүсүн карап көрүүнү сунуштайм», - дейт ал.

Бул макала NazarNews басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын уруксаты менен гана мүмкүн.

Булак: NazarNews.kg