Адвокат Абаз Мамбетакунов: «Акнеттин» президенти Кубан Ажимудиновго каршы козголгон кылмыш иштери башынан аягына чейин мыйзам бузуу менен башталган жана тергөө менен сот иштери дагы көптөгөн мыйзам бузуу менен коштолууда. Коюлган күнөөлөр далилденген эмес, кээде аны камакта – эч кандай сот чечими жок бойдон кармап жатышат, жазылган каршы арыздарга же башка кайрылууларга соттор да, тергөөчүлөр дагы жооп бербейт, Эсеп палатасы салык боюнча экспертиза өткөрүш керек дегенине карабай, эмгиче эч кандай экспертиза өткөрүлбөй келет...