Кыргыз тарыхын изилдөөчү, «Кыргызстандарт» борборунун мурдагы жетекчиси Алимбек Курманбаев: Акыркы мезгилде кыргыз тарыхына кызыгып, материал топтом жүрөм, Эренек баатыр жөнүндө кыргызча китеп жазсамбы дейм. Ошол мезгилдеги кыргыз тарыхы жакшы изилденген эмес, бирок булактар бар жана Кыргызстандан тышкары окумуштуулар ал тууралуу жазган, азыр дагы профессор Виктор Козодой Эренек тууралуу китеп жазды, жакында ал басмаканадан чыга тургандай.

Эренектин агасы (же таякесиби) Көчөбайдын аялы Абахай жунгар ханы Карагуланын бир тууганы болгон экен, анан, албетте, Эренек жунгарлардын согуштарына катышып, аларга жардам берген. Көчөбайдын уулу Табун (Карагуланын жээни) – Исар улусунун беги болгон жана ал дагы Жунгар хандыгын негиздеген тууганы Баатыр-контайша менен бир-бирине аскерий жардам берип турган...