Август айында Мажарстандын Бугац шаарында Гунн-түрк элдеринин жетинчи курултайы болуп өттү, андан кийин сентябрда Түркияда дагы чоң илимий конференция болуп, анда, башка маселелер арасында, орток түрк алфавит маселеси каралды. Андай алфавит 1990-жылдардын башында эле түзүлгөн, бирок кийин латин арибине өткөн Азербайжан же Өзбекстан ар башка алфавит тандап алышты, Казакстанда дагы азыр талаш-тартыш болуп жатат. Кыргызстан мурда макул болгону менен, латиницага өтүү иштери азыр өлкөдө токтоп калган. Бирок байыркы орхон-енисей жазуулары – кадимки эле кыргыз тилинде жазылган. Ошондуктан кыргыз жаштарын кирилицага гана эмес, латин, араб, орхон-енисей жазууларын үйрөтсө, алар кеңири билимдүү болоор эле...