«Субан уулу» коомдук фондунун төрагасы Кубанычбек Адылов: Акыркы мезгилде тиги же бул чокунун, же айыл-кыштактардын атын кайсы бир адамдардын ысмы менен атаган өнөкөткө айланып кетти. Кыргыздар илгертен кайсы бир жерди адамдын атынан чанда гана атаган. Негизинен, Кара-Шоро, Кырчын, Көк-Жайык же Соң-Көл деген аталыштар кандай сонун. Бийлик бир мыйзам кабыл алып, жер-суунун илгерки аталыштары өзгөтүлбөсүн деген тыюу салса.

Ошол эле учурда, тарыхый окуялар менен байланыштуу аталып кеткен учурлар бар, мисалга, Интергельпо көчөсү, же Фучик паркы, же Волга боюндагы немистер Кыргызстанга көчүрүлгөндө, Кант шаары Иммануил Канттын атынан аталып калган экен, ошол эле мезгилде Тельман, Люксембург деген дагы айылдар пайда болгон. Бирок андай нерселер көп эмес, чектелген гана санда болгондо, баркы да жогору болмок...