Тарыхчы жана коомдук ишмер Табылды Акеров Байтик-баатыр тууралуу – Байтик токолдун уулу болгон, ошондуктан жолу бир топ тар эле, анткен менен солто элинин манабы Жангарач карыганда бийликти Байтикке өткөрүп берген. Мурда Байтиктин атасы Канай-бий дагы бийликтин белгиси – камчысын – өз уулдарына эмес, Жангарачка берген дейт. Байтик-баатыр Кокон хандыгынын оторчулугуна каршы күрөшүп, көп эрдик жасаган, быйыл 31-август күнү анын 200 жылдыгын белгилөө Чункурчакта башталып, 2-3 айга уланат. Ага эстелик орнотуу, ысмын Бишкектеги бир паркка берүү, борбор калаанын бир районун дагы анын аты менен атоо маселелери каралып жатат...