Кыргыз эл аралык университети алдындагы Этнология институтунун директору, тарыхчы Табылды Акеров: Кыргыз санжырасында Тагай-бий деген ат менен белгилүү болгон байыркы адамды айрым тарыхчылар – XVI кылымда Теңир-Тоодо эгемен кыргыз кандыгын курган Мухаммед Кыргыз болгон деп божомолдойт. Бирок кыргыз тарыхында – Чыңгыз-хандын кезинде, Амир Тимур же Султан Бабур учурунда Тагай ысымы менен бир нече ар башка адам кездешет.

Ошондуктан, «Тагай» деген – алардын уруусу, же атасынын аты болгон деп чечмелесе болот. Мисалга, Бабурга кызмат кылган Али Дост Тагай жана Мир Кыяз Тагай деген эки аскербашы болгон, Мухаммед Кыргыз – ошолордун бири болушу мүмкүн жана «Маджму ат-Таварих» деген тарыхый китепти Аксыдан чыккан Сайф ад-Дин Ахсикендиге ушулардын бири жаздырган сыяктуу...