Профессор, түрк таануучу Кадырали Конкобаев жана профессор, кардиолог Калдарбек Абдраманов: Байыркы кыргыз тарыхы эмдигиче жакшы изилдене элек, эгемендиктин 30 жылы ичинде дээрлик эч кандай алгылыктуу жылыш болгон жок, бирок орусиялык профессор Виктор Козодой кыргыз ханы Эренек тууралуу тарыхый документтерди таап, китеп жазса, айрым кыргыз илимпоздору ага каршы чыкканы – Кыргызстандагы тарыхый илим кандай абалда экенинин ачык көрсөттү.

Конкобаев: Кыргыз каганаты учурунда, IX-X кылымдарда, кыргыз тили калыптанган адабий тил болгон жана башка тектеш тилдердин өзөгүн түзгөн. Абдраманов: Биздин 14-15-муундагы ата-бабабыз Абакан XVII кылымда азыркы Кыргызстандын аймагынан аскер топтоп, алар менен Сибирге барып, хан Эренек менен кошо согушуп, Эренек менен бирге каза болгонун менин энем айтып берди эле...