ВИДЕО - Аткаминер пара катары алган акчаны жеп салды

Журналист: ЖАНЫЛ ТАГАЙ

28.07.2023, 15:02

23612

дүйнө жүзүндө

Индияда аткаминер пара катары алган акчаны жеп салган. Бул тууралуу News9Live басылмасы билдирет.

Маалыматка ылайык, Индияда айыл чиновниги пара катары алган беш миң рупийди (5300 сом) аны кармоо үчүн келген полициянын көзүнчө жеп салган. Окуя Мадхья-Прадеш штатындагы Бархеда айылында болгон. Жерди эсепке алуу жана жер ээлеринен салык чогултуу кызматын аркалаган Гаджендра Сингхтин үстүнөн жергиликтүү тургун пара талап кылып жатканын айтып арыз жазган. Тартип сакчылары абийирсиз мамлекеттик кызматкерди пара алып жаткан жеринен кармоону чечишкен.

Бархедалык киши Сингхке керектүү сумманы бергенден кийин, полиция кеңсеге кирип келген. Аларды көргөн чиновник акчаны оозуна салып, чайнап, жутуп алууга аракет кылган. Пара жеген процессти дароо үзгүлтүккө учуратпаган полиция кызматкерлери аны видеого тартып, андан соң "эл кызматчысын" ооруканага алып барышкан.

Сингх пара алуу үчүн камакка алынган. Полициянын билдирүүсүндө мамлекеттик кызматкер акчанын баарын жутуп алганга үлгүрбөй калган. Анын бир бөлүгүн оозунан алынган.

Булак: NazarNews.kg