Жаңыланган Улуттук тарых музейи расмий ачылды. Салтанатта Манас айтылып, театрлаштырылган оюн-зоок көрсөтүлдү. Мурда айтылгандай, ачылгандан кийин 10 күн бою музейге кирүү акысыз болот.

Өлкөдөгү эпидемиялык кырдаалды эске алуу менен жарандарга бет кап кийүү жана санитардык нормаларды сактоо талап кылынат.

Эске салсак, Мамлекеттик тарых музейин оңдоо 2016-жылы 25-мартта башталган. Иштери аяктап калганда, 2018-жылдын май айында, музейди реконструкциялоодо сатып алынган эмеректердин кымбат экени ачыкталган. УКМК Тарых музейин реконструкциялоого кеткен бюджеттик каражат боюнча териштирүү баштап, Баш прокуратура кылмыш ишин козгогон.

Булак: NazarNews.kg