Бишкекте кайгуул милициясынын кызматкери мотоциклчен адамга курал кезеди. Окуя болгон учурда тартылган видеону активист Болот Ибрагимов социалдык тармакка жүктөгөн.

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от Болот Ибрагимов (@bolotibragimov)

Кадрларда көрүнүп тургандай, милиционер айдоочуга курал кезеп, жанында турган кесиптеши ага тапанчаны түшүр дегендей жаңсап жатат. Көп кабаттуу үйдөгү батирдин терезесинен тартып жаткан киши атпа деп суранат.

Кайгуул милиция башкармалыгынын маалымат катчысы Байказы Айтикул уулу окуя түндө болгонун айтты. Маалыматка караганда, Юнусалиев жана Сухэ-Батор көчөлөрүнүн кесилишинде жол эрежесин бузган айдоочуну инспекторлор токтотууга аракет кылышкан. Бирок ал качып барып, 12-кичи райондо колго түшкөн. Окуя дал ошол жерде болгон.

Ошондой эле, милициядан билдиргендей, кийин айдоочу наркология бөлүмүнө жеткирилип, рулга ичип алып отурганы аныкталган. Жыйынтыгында айдоочуга карата беш протокол түзүлдү. Ал эми жаранга курал кезеген кызматкердин аракеттери боюнча кызматтык иликтөө башталды.

Булак: NazarNews.kg