"12 жаштагы балам ушул жылдын 9-март күнү кечке маал классташы тарабынан сабалып, бутунан катуу жаракат алып, 3 айдан бери төшөктө жатат. 3 жолу бутунан операция болду. Дарыгерлер убагында тиешелүү көңүл бөлбөй коюп, баламдын буту ириңдеп, ал ириң сөөгүнө чейин жетип кеткен. Күнөөлүү тарап жана 3-шаардык балдар ооруканасынын дарыгерлери жоопкерчиликтен качып жатат", - деди бүгүн, 10-июнда NazarNews маалымат агенттигине жабырлануучу Абдуллахх Мамасалиевдин апасы Наргиза Шергазиева.

Наргиза Шергазиеванын айтымында баласы буга чейин дени сак болгон.  

"3-шаардык балдар оорукананын травматология бөлүмүнүн башчысы Умар Дыйканович уулумду сабаган баланын ата-энесинин жакын тууганы экен. Кайрылбаган жерибиз калган жок. Күнөөлүү тарап бардык жерге акча сунушташып, жоопкерчиликтен качып жатышат", деп билдирди Наргиза Шергазиева.

Толугу менен маалымат төмөнкү тасмада: 

Булак: NazarNews.kg