Кинорежиссёр, КР маданиятына эмгек сиңирген ишмер Асанкожо Айтикеев: «Кыргыз керемети» деп аталып калган кыргыз киносундагы көрүнүш даректүү кино тармагында башталган. Бишкекте тартылган ошол кездеги даректүү тасмаларды көрүп, атактуу советтик кинорежиссёр Роман Кармен айткан дешет – мен эки нерсеге таң калам: Кичинекей Вьетнамдын эли Америкага каршы согушуп жатканына жана кичинекей Кыргызстанда ушундай тасмалар тартылып жатканына – бул деген керемет, – деп. Азыр деле көптөгөн даректүү тасма тартылып жатат, бирок коомдо аларга жетиштүү көңүл бурулбайт.