Көзүнө жаш алган кыз ыктыярчыларга куткарылган өмүрү үчүн ыраазычылык билдирди. Анын кайрылуусунун видеосу социалдык тармактарда тарады.

“Бул үч күн мурун болгон. Мен аябай ооруп, температурам төмөндөп кетти. Андан кийин ыктыярчылар келип жардам беришти. Алар өзүлөрү менен бирге кычкылтек концентраторун алып келип, төртүнчү кабаттан мени ооруканага жеткириш үчүн далысына көтөрүп алып барышты. Мен эс-учумду жоготуп койгом, кошуналарым болгон окуяны айтып беришти. Алар менин өмүрүмдү сактап калышты", - деп көзүнө жаш алып ыктыярчыларга ыраазычылыгын билдирди.

Кызды сактап калуу учуру тасмага да тартылып калган. Видеодо медициналык мекемеге бараткан ыктыярчылардын бейтапты эсине келтирип, Тез жардам чакырууга аракет кылып жатканы көрүнүп турат. Бейтапты күндүзгү ооруканалардын бирине көтөрүп алып барып жардам көрсөтүшкөн.

Булак: NazarNews.kg