“Айлык маянанын аздыгынан медицина кызматкерлери жетишпейт”, - деди NazarNews маалымат агенттигине экс-министр, саясатчы Дамира Ниязалиева.

--“Медицина жетекчилери гранттык каржылоону издөө боюнча ар-кыл долбоорлор менен активдүү иш алып барууда. Бул мекемелерди материалдык-техникалык жабдуу маселесин чечүүгө мүмкүндүк берет. Буга катар негизги көйгөй катары кадрлардын жетишсиздиги маселеси калууда. Мисалга, аймактык ооруканада акушер-гинекологдор жетишпейт, ал эми Үй-бүлөлүк медицина борборлорунда педиатрлар жана башка кууш тармактагы врачтар жетишпейт. Медиктердин жетишсизди айлык маянага келип такалат. Учурда саламаттык сактоо тармагындагы каржылоо жетишсиз болуп жатканда ар-бир жетекчи жакшы дарыгер гана эмес, натыйжалуу менеджер болушу талапка ылайык келет. Колдогу акчалай каражатты биринчи муктаждыктарга багыттоо зарыл. Ошондуктан көптөгөн мекемелерде дарыгерлер айлык акынын айынан иштен чыгып кетишет”, - дейт Ниязалиева.

Булак: NazarNews.kg