Индияда жер көчкү тоодогу жолдун бир бөлүгүн талкалады. Химачал-Прадеш штатынын Сирмаур районунда болгон жаратылыш кырсыгы жергиликтүү тургундар менен туристтердин үрөйүн учурган.

Күбөлөр жүрөк түшүргөн учурду видеого тартып алып, соцтармакка байма-бай жүктөп жатышат. Анда көрүнүп тургандай, тоодон топурак түшүп, бир маалда анын бир бөлүгү жерди көздөй кулаган. Андан тышкары, чоң таштар катуу ылдамдык менен тоодон кулап, жердеги үй, автоунааларга түшкөн.

Sputnik Тажикстан билдиргендей, жаратылыш кырсыгынан жабыркаган жана каза болгондор тууралуу азырынча маалымат жок.

Булак: NazarNews.kg