Индияда фестиваль учурунда өзүнөн чыккан пил айланасынын чакчелекейин чыгарды. Бул тууралуу Daily Mail жазды.
Окуя өлкөнүн түштүк тарабында болгон. Маалыматка караганда, күндүн ысыгы жана айланадагы ызы-чуу анын кыжырын келтирген. Жинденген жаныбар кожоюнун дагы көзүнө илген эмес.

Пил токтоп турган унааны аласалдырып, бир нече мотоциклди кулата сүзгөн. Ал жерде адамдар коопсуз жерге качып кетүүгө жетишкендиктен, эч ким жабыр тарткан эмес. Акыры ачуусу тараган пил кожоюнунун жанына өзү басып барган.
Булак: "sputnik.kg"