Италиянын Иския аралында болгон жер көчкү 8 адамдын өмүрүн алды. Анын үчөө жаш балдар экени кабарланды. Бул тууралуу 28-ноябрда RaiNews24 телеканалы билдирди.

Иския аралында 26-ноябр күнү жааган жамгыр сел жана жер көчкүгө алып келди. Акыркы маалыматтар боюнча, катуу шамалдын кесепетинен 200дөн ашуун адам үйлөрүнөн ажырады. Алар жергиликтүү мейманканаларга жайгаштырылды.

Жергиликтүү бийликтер 28 жана 29-ноябрда аралдагы мектептер жабылаарын жарыялашып, учурда өгөчө кырдаал режими киргизилди.

Окуянын кесепеттерин жоюу үчүн өкмөт 2 миллион евро бөлгөнү айтылды.

Италиянын ички иштер министри Маттео Пиантедоси аба ырайынын шарттары издөө-куткаруу иштерин кыйындаткандыктан абалды "өтө олуттуу" деп атады.

Булак: NazarNews.kg