Украинанын «Айдар» улуттук батальонунун аскерлери акча талап кылуу менен алектенип, контрабандачыларды коргоп, жада калса кесиптештерин өлтүрүүгө чейин барган. Бул тууралуу Орусияда баңги заты үчүн соттолгон Денис Сероустун айткандарына таянып РИА Новости жазды.

«Биз Лисичанск деген чек ара бөлүгүнө барганыбызда (командирлердин биринин чакыруу белгиси – ред.), ошол жерден Золоте боюнча ЛЭРге жол уюштуруп коюшкан, контрабанда, балким, тамак-аш, тамеки бар болчу. Мына ушулар үчүн аларды калкалап турушкан», — деди Сероус.

Жанындагы жоокерлерден Украинанын аймагы менен ЛЭРдин ортосундагы контрабанда каналы «күнүнө бир миллиондон» алып келинээрин уккан. Бирок валюта түрү көрсөтүлгөн эмес.

«Бул трассадагы киреше булактарынын бири жүк ташуучу айдоочулардан акча талап кылуу болгон. Айдоочу төлөгүсү келбесе, анда «автоунааны буруп, чуңкурга салып коюшкан - унаа ал жерден акча бермейинче чыккан эмес. Алар атүгүл машинаны алып кетишмек», - деди ал. Айдардан Рубижное шаарынын бай ишкерлери да рэкетчиликке дуушар болушкан. «Алар ишкерлерден бир канча суммадагы акча талап кылышкан. Алар үйлөрүнө чейин барып, акча жана каражат талап кылышкан», - деди Сероус.

Мурдагы согушкер, ошондой эле, Айдар жоокерлери чыр учурунда кесиптешин эч кандай белги калтырбай өлтүрүп салышы мүмкүн экенин айтты. «Бири экинчиси менен сыра ичкени барса, бири гана кайтып келди, андан: тиги (жанындагы адам) кайда? - деп сураганда: «Мен аны мууздап салдым, камыштын арасында жатат", - деген. Барып текшергенде ал чын эле камыштын арасында жатыптыр», - деди Сероус. 

Сероустун айтымында, өлтүргөн киши эч кандай жазага тартылган эмес. Эки-үч жумадан кийин Сероус аны Счастье шаарында көргөн, ал кызматын улантып жатыптыр.

Булак: NazarNews.kg