www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
28-июль күнү кечке жуук Москванын Алма-Атинская көчөсүндө жайгашкан жатаканада чыккан өрттүн кесепетинен 8 адам каза болду. Бул тууралуу РИА Новости жазды. Өрт тууралуу маалымат полицияга Москва убактысы боюнча саат 23:47де келип түшкөн. Ал Алма-Атинская көчөсү, 7-үй, 2-кабаттагы жатаканада 100 чарчы метр аянтта болгон.
Өзгөчө кырдаалдар кызматындагы булак каза болгондордун баары мигранттар экенин, учурда алардын жарандыгы такталууда деп билдирди. Бир адам куткарылып, 200 адам эвакуацияланды.
Өрт саат 00:47де толук өчүрүлгөн. Өзгөчө кырдаалдар кызматындагы булак каза болгондордун баары бир бөлмөдө болгонун жана күйүү продуктуларына ууланып каза болгонун билдирди. Өрт чыкканда алар уктап жаткан болушу мүмкүн.
Өрттүн келип чыгышына электр тармактарынын авариялык абалы себеп болгон, ал эми терезелердеги темир торлор, өрт тууралуу кеч билдирүү жана аны өз алдынча өчүрүү аракеттери көптөгөн жабырлануучуга алып келгенин өзгөчө кырдаалдар кызматы билдирди. Окуяга күбө болгондордун айтымында, жатаканадан эвакуация кылуучу жол жабык болуп чыккан.
Булак: NazarNews.kg
< Предыдущий
Следующий >
Последние новости
