Маймыл чечегинин батыш африкалык штаммы АКШнын кеминде төрт биолабораториясын жайгаштырган Нигерияда катталды. Бул тууралуу Орусиянын Куралдуу күчтөрүнүн Биологиялык, химиялык жана радиациялык жактан коргоо боюнча күчтөрүнүн жетекчиси Игорь Кириллов айтканын РИА Новости жазды.

"Дүйнөлүк саламаттык сактоо боюнча уюмдун докладына караганда, маймыл чечегинин батыш африкалык штаммынын козгогучу Нигерияда, АКШнын биологиялык инфраструктурасын жайгаштырган аймактан чыккан. Колубузда болгон маалыматка караганда, Нигерияда Вашингтондун көзөмөлүндө турган кеминде төрт биолаборатория иштеп жатат", — деди ал.

Кириллов аны менен катар кырдаалды курчутуп жаткан бир нече маселеге көңүл бурган.

"Европалык, америкалык ЖМКлардын маалыматына караганда, былтыркы жылдын коопсуздугу боюнча Мюнхен конференциясында, тагыраагы, COVID-19 пандемиясынын фонунда маймыл чечегинен улам пайда болгон вирустук штаммга карата сценарий даярдалып, иштелип чыккан", — деп эскерткен Кириллов.

АКШ биологиялык коопсуздук боюнча эрежелерди бир нече ирет бузуп, патогендик биоматериалдарды сактоодо шалаакылык кылынган фактылардан кийин генерал ДСУга Америка каржылаган Абуджа, Зариа, Лагостогу лабораториялардын ишмердүүлүгүн иликтеп чыгуу чакырыгын салган.

Коргоо министрлигинин маалыматына караганда, Кириллов "учурда ооругандардын 98 пайызы башкача ориентациядагы 20 жаштан өйдө курактагы эркектер" деп билдирген. Ал АКШ лабораторияларынан кадимки чечектин козгогучу бар ампула террорчулардын колуна тийип калышы ыктымалдыгын эскерткен. Генералдын айтымына караганда, АКШдагы биокоопсуздуктун бузулушу жана тиешелүү көзөмөлдүн жоктугу козгогучту террордук максатта колдонууга себеп болгон.

"2014-2021-жылдар аралыгында АКШ армиясынын жугуштуу оорулар боюнча Улуттук илим изилдөө институтунун жана дарылар боюнча федералдык агенттиктин лабораторияларында (Мериленд), Вакциналарды изилдөө борборунда (Пенсильвания) вирусу бар, катталып, эсеп-чотко алынбаган ампулалар бир нече ирет табылган", — деген ал.

Кириллов бул мекемелердин иши мыйзамсыз жүргүзүлгөндүгүн, себеби ДССУнун 1996-жылдагы резолюциясы кадимки чечектин козгогучун Америкадагы бир гана лабораторияда — Атлантадагы инфекциялардын алдын алуу жана көзөмөл жүргүзүү борборунда сактоого уруксат бергенин баса белгиледи.

Булак: NazarNews.kg