АКШнын Рой шаарында пиццага буйрутма берген кардар аны жеткирип иштеген пенсионерге 12 миң доллар чай-пул топтоп берди. Бул тууралуу Today басылмасы билдирди. 

89-year old Derlin Newey is a pizza delivery man who received a surprise delivery of his own today. A couple who got to know him from his pizza deliveries raised $12,000 to help him out. He had no idea. The full story runs tonight on @KSL5TV at 6. #ksltv #goodnews pic.twitter.com/Z83K5LTKPh

— Alex Cabrero (@KSL_AlexCabrero) September 22, 2020

Маалыматка караганда, 89 жаштагы Дерлин Ньюнинин (Derlin Newey) пенсиясы эсептерди төлөөгө жетпейт. Мындан улам ал кошумча акча табуу үчүн жумасына 30 саат пицца жеткирип иштейт.

"Анын туруктуу кардарларынын бири Карлос Вальдез карыя Ньюнинин пицца жеткирген учурун видеого тартып алган. Андан соң аны TikTok платформасына жүктөгөн", — деп жазылат маалыматта.

Ал эми видеону көргөн колдонуучулардын көбү улгайган адамдын мынчалык көп иштегенине сарсанаа болушкан. Жыйынтыгында Вальдездин үй-бүлөсү акча чогултуп, пенсионерге жардам берүү идеясын ойлоп табышкан.

"Баарыбыз биригип бул өзгөчө адам үчүн 12 миң доллар чогулттук", — деген ал.

Белгилей кетсек, Вальдез Ньюниге сюрприз уюштуруп, анын үйүнө барып акча тапшырган.

89-year old Derlin Newey started delivering pizzas to make ends meet. He never thought one of his customers would change everything. Here’s our story for @KSL5TV on the delivery he never saw coming. #ksltv #goodnews

🎥 @JDortz_Photog pic.twitter.com/WEJdOKoVnN

— Alex Cabrero (@KSL_AlexCabrero) September 23, 2020

Булак: NazarNews.kg