Орусиянын президенти Владимир Путин мигранттар Орусияга тилди жана мыйзамдарды билип туруп келүүсү керек экенин, бул маселени КМШ өлкөлөрү менен бирге иштеп чыгуу керектигин белгиледи. Мындай билдирүүнү ал жарандык коомду өнүктүрүү жана адам укуктарын коргоо кеңешинин жыйынында билдирди.

Президент бул маселени социалдык-экономикалык чөйрөдөгү эң маанилүү маселелердин бири деп атады.

«Сиз айттыңыз, бизге канча чет элдик жумушчу күч керектиги боюнча эч кандай эсеп жок. Бул таптакыр туура эмес. Жалпысынан алганда, мындай эсептөөлөр, өзгөчө курулуш үчүн жүргүзүлөт. Мага (вице-премьер-министр) Хуснуллин Марат Шакирзянович курулуш комплексинин, экономиканын курулуш секторунун чет элдик жумушчу күчүнүн муктаждыгы жөнүндө бир нече жолу билдирди», - деди Россиянын лидери.

Ошол эле учурда президент мигранттардын адаптацияланышынын маанилүүлүгүн белгилеп, «бул жаатта тынчсыздануусун билдиргендер менен» толук макул экенин белгиледи.

«Бизге иштөөнү каалаган адамдар  өз жерде өз мекенинде бул жакка келүүгө даярдана баштышы зарыл.  Тилди, биздин мыйзамдарды үйрөнүшүнө, өз укуктарын билүүсүн, биздин коомдук уюмдар жана мамлекеттик органдар Россия Федерациясынын мыйзамдарын жана эрежелерин, биздин каада-салттарды сактоону билүүсү керек», - деп белгиледи Путин.

Анын айтымында, Орусия шериктештикке кирген өлкөлөрдөгү кесиптештери менен бул тууралуу майда-чүйдөсүнө чейин сүйлөшүп жатат, тактап айтканда, жакында Өзбекстандын президенти Шавкат Мирзиёев жардам көрсөтүүгө даяр экенин билдирген.

«Мындай иш биздин башка өнөктөштөрүбүз менен жакшырып баратат: Тажикстан менен, Кыргызстан жана Казакстан менен - ​​демек, бул биздин көз карашыбызда, бирок бул жерде баары бүттү дегенди билдирбейт, тескерисинче, бул башталышы гана», - деди Путин.

Булак: NazarNews.kg