Бишкек шаарында уурулукка шектелген жаран кармалды. Бул тууралуу бүгүн, 27-январда Биринчи май РИИБдин басма сөз кызматы билдирди.

25-январда болжол менен саат 15:00 чамасында «Караван» соода борборундагы дүкөндөрдүн бирине кирген аял киши кассадагы 27 миң сомду уурдап кеткен.

Жабырлануучулар милицияга кайрылып, аталган факт КЖБРга Жазык кодексинин 200-беренеси (Уурдоо) менен катталган.

Биринчи май РИИбдин кызматкерлери аталган кылмышка шектүү катары 1990-жылы туулган А.С.ны кармашты. Ал буга чейин соттолгондугу белгилүү болду.

Шектүү Бишкек ШИИББдин убактылуу кармоочу жайына киргизилди. Милиция анын башка кылмыштарга да тиешеси бар-жогун иликтеп жатат.

Булак: NazarNews.kg