"БРИКС өлкөлөрү экономикалык мажбурлоого каршы турушу керек", - мындай пикирин Кытайдын төрагасы Си Цзиньпин Йоханнесбургда өтүп жаткан саммитте билдирди.

"БРИКС өлкөлөрү өнүгүү жана калыбына келтирүү жолунда бир болуп, ажыратуу аракеттерине, экономикалык мажбурлоого каршы туруу,    ишкердүү кызматташтыкка басым жасоо керек", - дейт ал.

Ошондой эле ал бүгүнкү күндө дүйнө кансыз согуштун көз карашын сактап турганын, ал эми геосаясий абал оор экенин баса белгиледи. 

Си Цзиньпин БРИКС өлкөлөрү курч маселелерди чечүүдө жигердүү ортомчулук кылып, саясий чечимдерди илгерилетиши керектигин айтат.

Булак: NazarNews.kg