Белгилүү жазуучу Олжобай Шакир 7 сааттан бери дайынсыз болууда. Бул тууралуу журналист Аскер Сакебаева жазып чыкты. 

"Олжобай Шакир 7 сааттан бери дайынсыз деп мага аялы Назгүл чалды. Үйүндө экөө гана жашачу. Назгүл эртең менен үйдөн жумуштап чыгып кеткен. Үйүнө келсе Олжобай жок, үй ачык, буюм-тайымдар ордунда. Олжобайга телефон чалса, адегенде гудок барып жаткан. Кийин такыр өчкөн. Кызыгы, Бишкек шаардык ички иштер бөлүмүнүн кызматкерлери да келип, митинг боюнча билели деп күтүп отурушкан экен. Ошондо Олжобайды кайсы кызмат же кимдер алып кетти?"- деп жазган журналист. 

Белгилей кетсек, Олжобай Шакир социалдык тармактарда элди 31-август күнү митингге чыгууга үндөгөн.

Булак: NazarNews.kg