Улуу Британиянын Эссекс округундагы бир коронавирус менен ооруган медайым видео жаздырды. Анда анын кесиптештери коронавирусту жуктурган бейтаптардын агымын кантип көтөрүп жатканы тууралуу жана баардык мекендештерден өзүн-өзү обочолонууга чакырган. Бул тууралуу РИА Новости билдирүүдө.

Ширли Уоттстун айтымында, пандемиядан улам саламаттыкты сактоо системасына жүктөр бир нече эсе көбөйгөн жана анын ооруканасында кадрлар жетишсиз. Көзүнө жаш алган британ аял дарыгерлер жана медайымдар инфекция менен күрөшүү үчүн бүт күчүн жумшап жаткандыгын айтты.

“Биз адамдарды жана алардын жакындарын сактап калуу үчүн болгон күчүбүздү жумшайбыз. Биз азыр баарыбыз тизелеп турабыз. Биз буга көндүк, бирок колбуздан келгендин баарын жасоого аракет кылабыз”,-дейт медайым.

Уоттстун айтымында, "өтө оор кырдаалда" медицина кызматкерлери күнүмдүк коркунучка кабылып, туугандарынан аргасыз алыс болууда. Британиялыктар бардыгын үйдө болууга жана бийлик тарабынан киргизилген чараларды аткарууга үндөштү. Эгер кимдир бирөө эч кандай себепсиз сыртка чыкса же компанияларга барса, анда ал адамдарга эскертүү жасап, кырдаалдын кооптуу экендигин түшүндүрүшү керек.

“Азыр мага биз бул согуштан жеңилип калгандай сезилип жатат. <…>Эгер кимдир бирөө анчалык деле олуттуу эмес деп айтса жана сиз сейилдеп жүрсөңүз, анда андай эмес. Аларга үйдө калуу керектигин айткыла"-деди ал.

Белгилей кетсек, март айында Бүткүл дүйнөлүк саламаттыкты сактоо уюму коронавирусту пандемия деп жарыялаган. Акыркы маалыматтар боюнча дүйнө жүзүндө илдетке чалдыккандардын саны 1 жарым миллиондон ашты. Ал эми 88 338 адам каза болуп, 329 329 адам коронавирустан айыгып чыккан.

Булак: NazarNews.kg