Былтыр июлда кабыл алынып, президент августта кол койгон «Анык эмес маалыматтан коргоо» мыйзамынын алкагында Маданият министрлиги аны аткаруу механизмин талкууга койду. Кайсы болбосун адам же кандай болбосун уюм – кайсы бир маалымат ага жакпаса, аны интернет-сайттан алып салуу талабы менен кайрыла алат. Андан ары бир топ иштер жасалууга тийиш.

Мурда мындай маселелер сот аркылуу чечилип келген жана биринчи эле жыйында сот – маалыматты алып салуу чечимин чыгарчу. Бирок эки маселе болгон – доо арызды кабыл алуу көпкө уланып кетиши мүмкүн эле. Экинчиден, интернет маалымат каражаты болуп эсептелбегендиктен, соттор ишти карабай да коюшу мүмкүн болчу.

Бул мыйзам – ошондой иштерди ылдамдатуу максаты менен кабыл алынган, бирок Маданият министрлиги сунуштаган механизм өтө деле ылдам эмес, ал эми кимдир бирөөнү каралаган маалымат эл арасында 2-3 күндө кеңири тарап кетиши мүмкүн. Анткен менен, кандай болбосун иштерди качан болбосун бийлик кана ылдамдата алат, ошондуктан бул мыйзам бийлик үчүн гана пайдалуу.