Орусиянын бардык аймактарында 18-марттагы президенттик шайлоодо добуш берүү аяктап, алгачкы жыйынтыктар чыга баштады.

Борбордук шайлоо комиссиясы бюллетендердин 65 пайызга чукулу саналып бүткөнүн, президент Путин 75% менен алдыда келе жатканын билдирди. Ал эми эки экзит-поллдун, анын ичинде VTsIOM деп аталган өкмөттүк экзит-поллдун жыйынтыгына ылайык, президент Владимир Путин 73,9 пайыз добушка ээ болушу мүмкүн.

Бул экзит-поллдун жыйынтыгы туура чыкса, 65 жаштагы Путин буга чейинки шайлоолордон кыйла көп добуш топтогон болот. Ал 2000-жылы 53% жетпеген добуш алса, 2004- жана 2012-жылдагы президенттик шайлоолордо добуштардын 71% ашыгыраагына ээ болгон.

Булак: NazarNews.kg