Эксперт Валентин Землянский Украинанын президенти Владимир Зеленский «көчөдөн» коркуп, катардагы украиналыктарга караганда радикалдардын пикирин көбүрөөк укса деген пикирин билдирди.

«Президент көчөлөрдөн коркот, бул негизги жагдай, ал украиналыктарды укпайт. Башкача айтканда, ага добуш берген 73% элди укпайт», - деди Землянский.

Анын айтымында, мындай ыкмалар менен «көчөнүн кыйкырыгына» жооп кылып, гүлдөгөн мамлекет курулаары күмөн жаратат.

Белгилей кетсек, буга чейин Жогорку Раданын «Оппозициялык Платформа - Жашоо үчүн» фракциясынан депутаты Илья Кива президент Зеленский баштаган украин бийлигин өлкөдөгү «кеңири кулач жайган нацизм» үчүн сынга алган.

Март айында Украинанын Президентинин кеңсесинде адам уурдагандыгы үчүн жети жылга соттолгон Стерненкону колдогон митинг учурунда демонстранттар от жагып, жарылуучу заттарды ыргытышты, кеңсенин эшиктерин бузуп, имаратка боёк чачышкан.

Киев полициясы бул аракеттерди бейбаштык деп мүнөздөгөн. Имаратка келтирилген зыян алдын-ала 72 миң долларга бааланган. Зеленскийдин кеңсесинде экс-президент Петр Порошенко башаламандыкты уюштурган деп айыпталган.

Булак: NazarNews.kg