Ысык-Көл облусунда 6 ай бою 3 айылдашы тарабынан зордукталып жүргөн кыздын окуясы боюнча ишти облустук сот карап баштады. Бул тууралуу кыздын жактоочусу Айнура Асанова  билдирди.

--"25-январда саат 16:00дө бир шектүүнүн соту болмок, бирок анын жактоочусу келбей калып, ишти кароо 8-февралга жылып кетти. Эми 8-февралда шектелип жаткан эки баланын, 9-февралда үчүнчү кишинин соту болот", - дейт Асанова.

Белгилей кетсек, буга чейин аталган ишти Тоң райондук соту карап, шектелип жаткан 3 кишинин бирөөн 7,5 жылга эркинен ажыратып, экөөнү актап жиберген.

Булак: NazarNews.kg