Ысык-Көлдө дагы бир пансионаттагы коттедж өрттөндү

Журналист: NAZARNEWS

13.02.2018, 23:58

23721

кылмыш жана кырсык

Ысык-Көл облусунун Ысык-Көл районундагы Булан-Сөгөттү айылында жайгашкан «Аврора» пансионатындагы коттедж өрттөндү. Өрт бүгүн, 13-февралда саат 08:45 чамасында чыккан. Өрт өчүрүүгө 2 бөлүм жөнөтүлүп, саат 09:21де өрт чектөөгө алынган. Саат 09:45те өрт толук өчүрүлдү, деп билдирди ӨКМдин басма сөз кызматы. Алдын ала маалыматтар боюнча, адамдар жабыркаган жок. Өрткө электр зымдарын туташтырууда коопсуздук эрежелердин бузулушу себеп болгон.«Фламинго» ЖЧКнын пансионатынын короосунда жайгашкан коттедж өрттөнүп, анын кесепетинен кароолчу — 1977-жылы туулган А.В. (эркек киши) көз жумду. ӨКМдин маалыматы боюнча, өрт 10-февралда саат 18:35 чамасында чыккан. Өрттү өчүрүүгө 2 бөлүм жөнөтүлүп, саат 20:25 чамасында чектөөгө алынып, саат 23:20да толугу менен өчүрүлгөн. Жалпысынан 120 чарчы метр аянт өрттөндү.

Учурда кырсыктын чоо-жайы такталып жатат.

Булак: NazarNews.kg