Саламаттыкты сактоо министрлиги тарабынан жалпы суммасы 764,900 АКШ долларына “В” классындагы 13 даана "Тез жардам" унаалары алынганы буга чейин кабарланган.  Анын бири Ысык-Көлдүн Боом капчыгайында бузулуп калганы белгилүү болгон.

Министрлик жаңы сатып алынган "Тез жардам" унаасынын бузулушу боюнча түшүндүрмө берди.

"ГАЗ "Соболь" 4х4 үлгүсүндөгү "Тез жардам" унаасы бөлүнгөн аймакка, тагыраагы, Ысык-Көл облустук аймактык ооруканасына жеткирилмек. Боом капчыгайынан техникалык мүчүлүштүк жаралып, унаа бузулуп калган. Окуя болгон жерге жеткирүүчү компания тарабынан механиктер тобу барышкан. Учурда унаа Чолпон-Ата шаарына токтотулду. Адистердин кароосунан кийин кошумча маалымат берилет", - дешти мекемеден.

Булак: NazarNews.kg