Орусиянын Тышкы иштер министрлигинин расмий өкүлү Мария Захарова Украинанын президенти Владимир Зеленскийге өзүн таркатууну сунуштады.

Шейшембиде украин лидери Москва туруктуу мүчө катары вето коюуга укугу бар БУУнун Коопсуздук Кеңешинде сүйлөгөн сөзүндө кеңешке Орусияны мүчөлүктөн чыгарууну же өзүн таркатууну сунуштады.

АКШнын уюмдагы элчиси Линда Томас-Гринфилд бул демилгени ишке ашыруу мүмкүн эместигин билдирди.

«Эми Зеленскийдин ал жерде кимдир-бирөө кетиши керек деген сөздөрү тууралуу айтсак, бул абдан кызыктуу логика. Ал биринчи кезекте принципти өзүнө сынашы керек», — деди ал Sputnik радиосуна.

Эске салсак, Орусия Украинага каршы согушту 24-февралда баштаган. Путин анын максаты «сегиз жылдан бери Киев режиминин басмырлоосуна, геноцидине кабылып келгендерди коргоо» жана бул үчүн «Украинаны демилитаризация жана денацификация» жасап жана Донбасстагы «жай жашоочулардын канына забын болгондорду» аскер сотуна берип, жоопкерчиликке тартуу пландалып жатат, деп айткан.

Орусия - анын куралдуу күчтөрү аскерий соккуларды Украинанын аскердик инфраструктурасы менен күч түзүмдөрүнө уруп жаткандыгын, жай жарандарга багытталбагандыгын билдирет. Орусиянын колдоосу менен ДЭР жана ЛЭР топтору да өз аракеттерин улантууда. Путин - Украинаны оккупациялоо туурасында кеп жок экенин айтат.

Булак: NazarNews.kg